Ana səhifə / Sosial / “Mübahisəli borcdan başqa heç bir bu qurumun “Azəriqaz”a borcu yoxdur” – Baş direktor

“Mübahisəli borcdan başqa heç bir bu qurumun “Azəriqaz”a borcu yoxdur” – Baş direktor

“Azəristiliktəchizat” ASC-nin “Azəriqaz” İstehsalat Birliyinə olan borcu Azərbaycan Prezidentinin maliyyə dəstəyi sayəsində artıq öz həllini tapıb.

“Report”un məlumatına görə, bunu Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin Baş drektoru Ruslan Əliyev bu gün ilin yekunları ilə bağlı keçirilən mətbuat konfransında bildirib.

Onun sözlərinə görə, “Azəristiliktəchizat”ın “Azəriqaz”a 43 mln. manatdan çox borcu var idi: “Bu borcun 11 milyon manatı köhnə, 32 milyon 700 min manatı yeni yaranmış borc idi. Ancaq artıq bu borc dövlət vəsaiti hesabına tam ödənilib”.

O bildirib ki, Azərbaycanda istilik enerjisinin qiyməti ucuzdur: “Bu qiymət ucuz olduğu üçün “Azəristiliktəchizat” aldığı qazın pulunu ödəyə bilmir. Qurumun yığımında da problemlər yaranırdı. Bu da Prezidentin əhaliyə sosial qayğısı oldu və o bu borcun dövlət tərəfindən ödənilməsini təmin etdi”.

O bildirib ki, artıq mübahisəli borcdan başqa heç bir bu qurumun “Azəriqaz”a borcu yoxdur.

Həmçinin oxuyun

“Vəziyyətimiz acınacaqlıdır, Kəlbəcərə qayıtmaq istəyirik, adımızı siyahıya salmırlar”

Kəlbəcərin Ağdaban kəndindən olan Sadiq Məmmədov deyir ki, 30 ildən çoxdur qazı, şəraiti olmayan yataqxanada …