Bazar , Oktyabr 20 2019
Ana səhifə / Sosial / MSK OSMAN  KAZIMOVUN  FIRILDAĞININ ÜSTÜNÜ AÇDI – NAMİZƏDLİK RƏDD EDİLDİ

MSK OSMAN  KAZIMOVUN  FIRILDAĞININ ÜSTÜNÜ AÇDI – NAMİZƏDLİK RƏDD EDİLDİ

Bu gün Mərkəzi Seçki Komissiyasının (MSK) iclasında 84 saylı Füzuli Seçki Dairəsindən Müsavat Partiyasıtərəfindən namizədliyi irəli sürülmüş Müsavat Partiyasının Divan üzvü, vəkil Osman Kazımovun namizədliyinin müvafiq dairə seçki komissiyası tərəfindən qeydə alınmaması barədə şikayətinə baxılıb.

APA-nın məlumatına görə, MSK üzvü Qabil Orucov deyib ki, DSK O. Kazımov mülkiyyətində olan 4 avtomobil barədə məlumat təqdim etmədiyi üçün onun namizədliyini qeydə almayıb.

MSK İşçi Qrupunun apardığı araşdırma zamanı bu fakt təsdiqini tapıb. İclasda iştirak edən O. Kazımov 4 yox, 3 avtomobilləri olduğunu, avtomobillərin həyat yoldaşının adına olduğunu, DSK sədrinin ailənin birgə mülkiyyəti olan avtomobillərlə bağlı təqdim etdiyi məlumatı qəbul etmədiyini, bunun gərəksiz olduğunu söylədiyini bildirib.

MSK sədri Məzahir Pənahov isə deyib ki, bir hüquqşünas kimi O. Kazımov bu avtomobillərlə bağlı məlumat təqdim etməsi barədə məlumatlı olmalı idi. O, həmçinin vəkilin həmin ərəfədə MSK-ya müraciət edə biləcəyini də xatırladıb.

Məsələ səsverməyə çıxarılıb, MSK DSK-nın qərarını qüvvədə saxlayıb, O. Kazımovun namizədliyi qeydə alınmayıb.

Həmçinin oxuyun

AQTA: İstifadəyə yararsız 90 tondan çox ət və ət məhsulları məhv edilib

2019-cu ilin yanvar-sentyabr ayları ərzində ölkə ərazisində istifadəyə yararsız 90 tondan çox ət və ət …

Bir cavab yazın