Milli Şura BŞBPİ-nə “yox” dedi – Mitinqin vaxtı dəyişməyəcək…

Xəbər verdiyimiz kimi Bakı Şəhəri İcra Hakimiyyəti Milli Şuranın 11 sentyabr mitinqinə razılıq verib. Məsələyə münasibət bildirən Başı Şəhəri Baş Polis İdarənin rəis müavini, polis general-mayoru Səhlab Bağırov bildirib ki, mitinq dinc xatarkerli olmalıdır, qanunları pozan şəxslər məsuliyyətə cəlb olunacaq. S. Bağırov həmçinin havanın tez qaralması ilə əlaqədar olaraq mitinqin 1-2 saat geriyə çəkilməsi üçün idarənin Milli Şuraya müraciət edəcəyini deyib.

Bəs Milli Şura mitinqin vaxtında dəyişiklik edəcəkmi? Mitinqin təşkilatçısı, Milli Şuranın koordinasiya mərkəzinin üzvü Eldəniz Quliyev Moderator.az-a açıqlamasında bildirdi ki, onlar mitinqin başlama və bitmə vaxtında dəyişiklik etməyəcəklər:

“Biz qurum daxilində məsələni müzakirə etdik. Mitinqin vaxtını dəyişməyəcəyik. Əvvəldən nəzərdə tutulduğu kimi aksiya saat 17:00 da başlayıb 19:00 da bitəcək. Milli Şura 2013-cü ildən bu günə kimi çoxlu sayda mitinqlər təşkil edib. Həmin aksiyalara nəzər salıb görə bilərsiz ki, bizim bu günə qədər təşkil etdiyimiz bütün mitinqlər dinc xarakterli olub.”