Çərşənbə , Noyabr 25 2020
Ana səhifə / Sosial / Meyvə qurusunun açıq satışı qadağandır – VİDEO

Meyvə qurusunun açıq satışı qadağandır – VİDEO

Qablaşdırılmadan satışa çıxarılır, heç bir gigiyena qaydalarına riayət olunmur. Bazarlardakı quru meyvələrin əksəriyyəti normativ-texniki tələblər kobud şəkildə pozulmaqla alıcılara təklif olunur.
Əvvəllər püstə, ərik, alça, gavalı və üzüm kimi meyvə quruları məşhur idisə, indi piştaxtaları portağal, ananas, armud, gilas kimi meyvə quruları da bəzəyir. Azərbaycanda quru meyvələrin keyfiyyəti normativ-texniki sənədlə tənzimlənir. Müvafiq qaydalara əsasən, qablaşdırılmayan məhsul açıq şəkildə satışa çıxarıla bilməz.
Normativ-texniki sənədlərin tələblərinə əsasən, quru meyvələrin qablaşdırmasında istehsalçı müəssisənin adı və ünvanı, məhsulun adı, növü, çəkisi, istehsal tarixi, yararlılıq müddəti, enerji dəyəri və texniki sənədləşdirmənin nömrəsi barədə məlumatlar qeyd edilməlidir. Bu gün isə kustar üsulla qurudulan meyvə quruları də alıcıya təklif olunur.
Əslində isə məhsul toxum vəziyyətindən yetişənə qədər fitosanitar nəzarəti altında olmalıdır. Bazara çıxarıldıqdan sonra isə baytar həkim ona rəy verməlidir. İstehsal sahəsində qablaşdırılması üçün isə müvafiq orqanlardan icazə tələb olunur.
Gigiyena və Epidemiologiya Mərkəzinin şöbə müdiri Ziyəddin Kazımovun sözlərinə görə, bu məhsulu satışa çıxaranlar məsuliyyət daşıyırlar.
Mütəxəssislərə görə, keyfiyyətli quru meyvələr bütöv olmalı, üzərində çatlar olmamalı və ziyanvericilərin təsirinə məruz qalmamalıdır.

Həmçinin oxuyun

Bu şəxslər 3 min manat cərimələnəcək: Qanun təsdiqləndi

Prezident İlham Əliyev “Azərbaycan Respublikasının İnzibati Xətalar Məcəlləsində dəyişiklik edilməsi barədə” qanunu təsdiq edib. Qanunla …