Ana səhifə / Sosial / Metroya “zırpaket” atanlar tutuldu

Metroya “zırpaket” atanlar tutuldu

Bakı metrosunda qatar relslərinə pirotexniki vasitələr atan şəxslər saxlanılıb.

Bu barədə “Yeni Sabah”a “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov məlumat verib.

O bildirib ki, Bakı Metropolitenində Polis Şöbəsi əməkdaşlarının peşəkarlığı, sayıqlığı və operativliyi sayəsində metropolitendə bu kimi hallara yol verən və istifadə qaydalarını pozmağa cəhd edən sərnişinlərə qarşı müvafiq tədbirlər görülür:

“Bunun nəticəsi olaraq, stansiya və keçidlərdə pirotexniki vasitələrdən istifadə etmiş 3 sərnişin saxlanılıb. Bunlar 1998-ci il təvəllüdlü Yardımlı rayon sakini Vüqar Hüseynli, 1996-cı il təvəllüdlü Sumqayıt sakini Şahin Abbasov, 1998-ci il təvəllüdlü Zəngilan rayon sakini Rövşən Məmmədovdur. İstifadə qaydalarını pozmuş şəxslərlə bağlı qanunvericiliklə müəyyən olunmuş qaydada tədbirlər görüləcək.

Bir daha sərnişinləri metropolitendən istifadə qaydalarına riayət etməyə çağırır və bildiririk ki, “Bakı Metropoliten” QSC və Bakı Metropolitenində Polis Şöbəsi sıx əməkdaşlıq şəraitində sərnişinlərin metropolitendən təhlükəsiz və rahat istifadə etməsi üçün bütün tədbirləri görüb”.

Həmçinin oxuyun

Başı yarılan uşağa yardım etməyən həkimlərlə bağlı qərar verildi

Jurnalist Məhərrəm Əliyev bir neçə gün öncə qardaşı oğlunun başından xəsarət aldığını, lakin xəstəxanaların heç …