Cümə axşamı , Mart 28 2024
Ana səhifə / Sosial / Maştağada zibil qabları olmayan sakinlər tullantıları tarixi abidənin içərisinə atır – VİDEO

Maştağada zibil qabları olmayan sakinlər tullantıları tarixi abidənin içərisinə atır – VİDEO

Bakının Maştağa qəsəbəsində yerləşən tarixi “Qum hamamı”nın vəziyyəti son günlər müzakirə mövzusuna çevrilib. 

Baxımsız vəziyyətdə olan bu tarixi abidə əhalinin tullantıları üçün zibilxanaya çevrilib.
“Report” çəkiliş heyəti bu problemi araşdırmaq üçün Maştağa qəsəbəsinə yollanıb.
Tikilmə tarixi tam dəqiq bəlli olmasa da “Qum hamamı” Səfəvilər dövründə Şirvan-Abşeron memarlıq məktəbinin bariz nümunələrindən hesab olunur. Ancaq hazırda hamamın çox hissəsi torpaq altında qalıb. Kənd əhalisi isə məişət tullantılarını hamamın pəncərələrindən içəri atır.

Çəkiliş apardığımız zaman Sabunçu rayoun İcra Hakimiyyətindən bu əraziyə nümayəndələr cəlb olunaraq abidənin tullantılardan təmizlənməsi işlərinə başlanıldı.
Sakinlərin sözlərinə görə problemin kökündə yaxınlıqda zibil qutularının olmamasıdır. 

Həmçinin oxuyun

“OMİD” 10 min manatədək cərimə oluna bilər – Məhkəmə davam edir

Azərbaycanda inşaat mallarının topdan və pərakəndə satışı üzrə ən böyük satış mərkəzlərindən birinə sahiblik edən …