Cümə axşamı , May 26 2022
Ana səhifə / Sosial / Maska məcburiyyəti aradan qaldırılır? – AÇIQLAMA

Maska məcburiyyəti aradan qaldırılır? – AÇIQLAMA

“COVID-19-un yeni ştamlarının ortaya çıxması normal bir haldır. İnsanlar indi dünya üzərində “omikron” variantından daha çox qorxur. Çünki adıçəkilən ştam daha sürətlə yayılır”.

Bunu Publika.az-a açıqlamasında infeksionist Mərdan Əliyev deyib.

Həkim qeyd edib ki, yeni çıxan ştam “omikron”un inkişaf etmiş variantlarından ola bilər:

“COVID-19 virusunun mutasiyaya uğraması qeyri-mümkündür. Həmin ştam Azərbaycana gəlsə də, böyük bir problem olmayacaq. Çünki vətəndaşlarımızda kollektiv immunitet formalaşıb və bu da bizi bu cür viruslardan qoruyur”.

M.Əliyev vurğulayıb ki, qadağalar aradan götürülə bilər:

“Son zamanlar yoluxmanın azalmasının əsas səbəblərindən biri vətəndaşlarımızın vaksinasiya olunmasıdır. Çünki peyvəndlər vasitəsi ilə onların orqanizmi bu viruslara qarşı immunitet qazandı. Buna görə də ictimai nəqliyyat vasitələri istisna olmaqla, qapalı yerlərdə maskadan istifadə etmə qadağası aradan götürülməlidir. Həmçinin peyvənd sertifikatlarının da istifadəsinə ehtiyac yoxdur. Ümumi olaraq Azərbaycanda koronavirusun yeni dalğası müşahidə olunmayacaq. Qarşıdan yay fəsli gəlir və əhalidə kollektiv immunitet formalaşdığı üçün ölkəmizdə yüksək yoluxma sayı qeydə alınmayacaq. Bu azalma sərt karantin qaydalarına görə yox, təbii şəkildə olub. Çünki yoluxma sayının azalması qapanmaların qismən aradan qaldırılması ilə oldu”.

Həmçinin oxuyun

Azərbaycanda son sutkada 3 nəfər koronavirusa yoluxub – 2 nəfər ölüb

Azərbaycan Respublikasında koronavirus (COVID-19) infeksiyasına 3 yeni yoluxma faktı qeydə alınıb, 9 nəfər müalicə olunaraq …