Şənbə , Dekabr 5 2020
Ana səhifə / Sosial / Marketlərdə ara məsafəsinə əməl edilirmi? – Video

Marketlərdə ara məsafəsinə əməl edilirmi? – Video

Bir neçə gün əvvəl Nazirlər Kabineti yanında Operativ Qərargah marketlərdə kassada növbə gözləyən müştərilərin 2 metr ara məsafəsi saxlamaları ilə bağlı təlimat yaydı. Bəs bu təlimata əməl edilirmi? Xəzər TV-nin əməkdaşları paytaxtdakı iri marketlərin birində olub, vəziyyəti araşdırıblar.

Marketin girişində xüsusi dezinfeksiyaedici aparatlar quraşdırılıb. Gələn müştərilər əllərini spirtlə dezinfeksiya edirlər. Görüntülər paytaxtdakı iri supermarketlərdən birindəndir. Mağazalarda koronovirusa qarşı önləm tədbirləri alınıb. Nazirlər Kabineti yanında operativ qərargahın təlimatları istiqamətində addımlar atılıb. Müştərilər ara məsafəsini gözləməklə kassalara yaxınlaşırlar. Kassada növbə gözləyən müştərilərin 2 metr ara məsafəsi saxlamaları ilə bağlı bütün kassalara yazılı xəbərdarlıqvurulub.

Müştərilər də öz növbələrində bu tədbirləri alqışlayırlar. Onlar deyilən tələblərə maksimum əməl etdiklərini bildirirlər

Bildirildi ki, koronavirus təhlükəsini nəzərə alaraq, hələ ötən həftədən xüsusi dezinfeksiya tədbirləri həyata keçirilir. Market girişlərində xüsusi dezinfeksiya edici aparatlar quraşdırılıb, həmçinin müştərilərin əllə təmasda olduğu əşyalar- əl arabaları, səbətlər, kassa ətrafı, rəflər xüsusi vasitələrlədezinfeksiya edilir. Market əməkdaşları qoruyucu maska və əlcəkdən istifadə edirlər. Meyvə-tərəvəz, ət satılan bölmələrdə müştərilərə birdəfəlik əlcəklər təklif olunur.

Həmçinin oxuyun

Azərbaycanda daha 4 267 nəfər COVID-19-a yoluxub

Azərbaycan Respublikasında koronavirus (COVID-19) infeksiyasına 4267 yeni yoluxma faktı qeydə alınıb, 2566 nəfər müalicə olunaraq …