Ana səhifə / Sosial / İki ildə intihar edən qazilərin SİYAHISI

İki ildə intihar edən qazilərin SİYAHISI

İkinci Qarabağ müharibəsinin başa çatmasından iki ilə yaxın zaman ötsə də, vaxtaşırı qazilərin intihar xəbərləri yayılır. Bu məsələ dəfələrlə müzakirə olunub, amma intiharların səngiməməsi problemin həll yolunun tapılmadığını göstərir.
Bakupost.az müharibədən sonra intihar edən qazilərin bəzilərinin siyahısını təqdim edir:

Kəlbəcərin Zəylik kəndindən həqiqi hərbi xidmətə çağırılan əsgər Vüsal Musayev müalicə aldığı hərbi hospitalda intihar etdi. Tarix: 6 yanvar 2021-ci il.

Abşeron rayonu, Sulutəpə qəsəbəsində yaşayan, hərbi xidmətdən yenicə qayıtmış 24 yaşlı Yunis Mənsurov intihar etdi. Tarix: 9 yanvar 2021-ci il

Sumqayıtdan olan, Daxil Qoşunlarda xüsusi təyinatlı dəstələrdən birinin komandiri, 1989-cu il təvəllüdlü kapitan Məmmədov Alim Nazim oğlu Quba rayonunda ürəyinə tapança ilə atəş açaraq özünü öldürüb. Tarix: 30 yanvar 2021-ci il.

Daşkəsən rayonunun Pirverdilər kəndindən olan Vətən müharibəsi iştirakçısı 1990-cı il təvəllüdlü Həsənov Fərman Fərhad oğlu yaşadığı evdə özünü asaraq intihar edib. Tarix: 23 fevral 2021-ci il

Yardımlı rayonunun Urakəran kənd sakini 1994-cü il təvəllüdlü Fərid Rafiq oğlu Quliyev evinin bir neçə metr yaxınlığındakı meşədə özünü asaraq canına qəsd edib. Tarix: 24 fevral 2021-ci il

İmişli rayonunun Ağcüyür kəndində 1995-ci il təvəllüdlü Qəhrəmanov İmdad Niyazi oğlu gecə saatlarında yaşayış məntəqəsinin yaxınlığındakı çöl sahəsində özünü asıb. O, hərbi sanitar olub. Tarix: 10 aprel 2021-ci il.

1998-ci il təvəllüdlü Vətən müharibəsi iştirakçısı, leytenant Nəbizadə Rüfət Ağayar oğlu Bakının Novxanı kəndində intihar edib. 6 may 2021-ci il.

Şirvan şəhər sakini 1988-ci il təvəllüdlü Cəlilov Emin Eldəniz oğlu özünü yaşadığı evin həyətindəki çardaqdan asıb. O, Vətən müharibəsində könüllü iştirak edib. Tarix: 28 iyun 2021-ci il.

Cəlilabadda Vətən müharibəsi iştirakçısı Bəhman Abbaslı intihar edib. Füzuli, Cəbrayıl, Xocavənd istiqamətində döyüşlərdə iştirak edib. Tarix: 4 iyul 2021-ci il.

Cəbrayıl rayonunun Dağ Tumas kənd sakini olan I Qarabağ müharibəsinin qazisi Rövşən Məmmədov intihar edib. Tarix: 30 avqust 2021-ci il.

Vətən müharibəsinin iştirakçısı Məmmədov Əlisahib Malik oğlu intihar edib. Əslən Cəbrayıl rayonunun Sarıcalı kəndindən olan qazi özünü yaşadığı yerdə asıb. Tarix: 22 may 2022-ci il.

Sumqayıt şəhərində 34-cü məhəllədə 2002-ci il təvəllüdlü Vətən müharibəsi qazisi Adil Bayramov özünü asaraq intihar edib. Tarix: 1 iyun 2022-ci il.

Həmçinin oxuyun

Azərbaycanda qurbanlıq qoyunlar BAHALAŞDI

Bay Azərbaycanda qeyd olunacaq Qurban bayramı ilə bağlı əlaqədar satışa çıxarılan heyvanların qiymətləri ötən illə …