II Qaregin şeyxlə görüşə hazırlaşır

Sentyabrın 8-də bütün ermənilərin katolikosu II Qaregin patriarx Kirillin vasitəçiliyi ilə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə ilə görüşəcək.

AzVision.az erməni KİV-lərinə istinadən xəbər verir ki, görüş Moskvada baş tutacaq.

Katolikosluğun mətbuat xidmətinin direktoru, keşiş Vahram Melikyan bildirib ki, II Qaregin Paşazadə ilə görüşmək üçün bu gün axşam saatlarında Rusiyaya yola düşəcək.

Xatırladaq ki, QMİ sədri Şeyxülislam Hacı Allahşükür Paşazadə artıq Moskvadır.