Ana səhifə / Sosial / Günay Sığorta Şirkəti QHT sədrinə haqsızlıq edir

Günay Sığorta Şirkəti QHT sədrinə haqsızlıq edir

İnsan hər şeyə hazır olmalıdır. Qəzalara da ölümlərə də… Tanrı hər kəsi bunlardan qorusun. Amma olanda olur. Mən də 28 iyul 2019-cu il tarixdə bir qəzaya düşdüm. Ziya Bünyadov prospektində maşınımı arxadan vurdular. Açığı çox qorxmuşdum. Özümə gəldim və maşından düşdüm. 24-28 yaşlı bir gənc maşını iki zərbə ilə vurmuşdu. Günah onda olsada qışqırmaqda üstə çıxmaq fikrində idi. DYP və Sığorta nümayəndələri çağırıldı. Gərəkli sənədləşmələr aparıldı. Nərimanov Rayon DYP İdarəsində sənədləri bir neçə saata həll etdilər. Qaldı digər maşının Sığorta Şirkətinin qiymətləndirilməsi və təmiri. Məni Babək prospektində yerləşən Babək təmir emalatxanasına göndərdilər. Məcburi gedəsi oldum ki,  dəyən ziyan qiymətləndirilsin. Nəhayət oranı güclə tapdım. Mat qaldım… bu nə emalatxanadı… 2 iyul tarixdə Günay Sığorta Şirkətinə gəldim . Dedilər aparın qoyun təmir etsinlər. Dəyən ziyan 590 manat qiymətləndirilib. Mən isə bu müddətdə artıq üç təmir emalatxanasında maşına dəyən ziyanı hesablatdırmışdım. Günay Sığorta Şirkəti o emalatxanaların qiymətindən  üç dəfə az hesablama etmişdi. Və maraqlandım dedilər ki,  Günay Sığorta Şirkəti maşın ölüxanalarının  detallarından istifdə edir. Həmin Babək təmir emalatxanası kimi yerlərlə də əlbir olub müştəriləri aldadırlar.  Günay Sığorta Şirkətinin nümayəndələrinə narazılığımı bildirdim. Rəhbərliklə görüşmək istədim. Lakin onlar buna imkan yaratmadılar. Dedilər narazısınız məhkəməyə müraciət edin. Ölkədə onsuzda qanunlar pozulur. Məhkəmə,  prokurorluq,  polis sisteminə minlərlə hüququ pozulmuş vətəndaş müraciət edir.Çox hallarda o vətəndaşların hüquqları qorunmadığından dövlətdən narazı qalırlar. Belə hallar isə çox təhlükəlidir. Narazılıqlar  dövlətin təməlini laxladar. Ona görə də təkcə söhbət jurnalist,  Əsgər Ailələrinə Dəstək İctimai Birliyinin sədri Mətanət Əsgərqızından getmir. Söhbət həm də minlərlə insanın belə fırıldaqçı sığorta şirkətləri tərəfində aldadılmasından gedir. Çox təəssüf ki,  bu şirkətlərə nəzarət çox aşağı səviyyədə olduğundan onlar istədiklərini edirlər. Mən Baş Prokurorluğa,  Daxili İşlər Nazirliyinə,  Korrupsiyaya qarşı İdarəyə və Vergilər Nazirliyinə müraciət edərək Günay Sığorta Şirkətinin qanunsuzluqlarına son qoymalarını xahiş edirəm. Nəhayət Günay Sığorta Şirkətinə DUR  deyin.

P.S İctimai Birlik rəhbəri kimi Vətənim Azərbaycana və həssas qruplara dəstəyim göz önündə olub. İndi harınlamış Günay Sığorta Şirkətinin rəhbərliyinin və əməkdaşlarının mənim kimi  vətəndaş cəmiyyəti rəhbərinə qarşı süründürməçiliyinin adı xəyanətdir. Çünki dediyim kimi qapılarda şəxsi problemlərimlə məşğul olmaqdansa həssas qrupların məsələsini həll edirəm. Və nəhayət mətbuat da sığorta şirkətlərinin oyunlarını ortaya çıxarsın. Dəstək olan hər kəsə əvvəlcədən minnətdaram.

Jurnalist, 

Əsgər Ailələrinə Dəstək İctimai Birliyinin sədri,

Mətanət Əsgərqızı

Həmçinin oxuyun

“73 manatlıq şəkər dərmanı 230 manata satılır, “tüccarlar”a kömək edən məmurlar var” – Deputat

“Şəkər xəstələrinin istifadə etdikləri “Synjardy” adlı dərman preparatının son iki ildir, bir qutusu 72-74 manata …