Bazar , Yanvar 17 2021
Ana səhifə / Sosial / Güclü külək Tbilisidə fəsadlar törədib

Güclü külək Tbilisidə fəsadlar törədib

Gürcüstanın paytaxtı Tbilisidə ötən gecədən əsən güclü külək bir sıra fəsadlar yaradıb.

“Report”un Gürcüstan bürosunun məlumatına görə, güclü külək şəhərin bir neçə rayonunda irigövdəli ağacları maşınların üzərinə aşırıb, evlərin dam örtüklərini sıradan çıxarıb.

Paytaxtın Qldani-Nadzaladevi rayonunda ağacın aşması nəticəsində bir nəfər yüngül xəsarətlər alıb.

Gürcüstanın Fövqəladə Halların İdarəolunması Xidməti güclü küləyin yaratdığı fəsadların aradan qaldırılması üzrə tədbirlər həyata keçirir.

Qonşu ölkədə güclü küləyin bu gün axşam saatlarına doğru zəifləyəcəyi gözlənilir.

Gürcüstanın Ətraf Mühit Agentliyinin Hidrometeoroloji Xidmətinin məlumatına görə, şərq rayonlarında və Tbilisidə küləyin gücü saniyədə 20-25 metr, qərb rayonlarında isə 20 metrə çatır.

Həmçinin oxuyun

Azərbaycanda koronavirus əleyhinə vaksinasiya strategiyası təsdiq edildi

Nazirlər Kabinetinin bu günkü sərəncamı ilə “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya …