Çərşənbə axşamı , Noyabr 12 2019
Ana səhifə / Sosial / Düşmən şəhidimizin nəşini qaytarmır – BQXK hələ də danışıqlar aparır

Düşmən şəhidimizin nəşini qaytarmır – BQXK hələ də danışıqlar aparır

Beynəlxalq Qızıl Xaç Komitəsi (BQXK) Azərbaycan əsgərinin meyitinin qaytarılması üçün hələ də tərəflərlə danışıqları davam etdirir.

Bunu AzVision.az-a Beynəlxalq Qızıl Xaç Komitəsinin (BQXK) Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova deyib.

O qeyd edib ki, BQXK ikitərəfli dialoqu davam etdirir və bu dialoqun məzmunu ictimaiyyətə açıqlanmır.

Qeyd edək ki, 2016-cı il dekabrın 29-da səhər saatlarında Ermənistan Silahlı Qüvvələrinin kəşfiyyat qrupu Azərbaycan-Ermənistan dövlət sərhədini pozmağa cəhd göstərərkən bölmələrimizin pusqusuna düşüb. Hadisə nəticəsində Silahlı Qüvvələrimizin hərbi qulluqçusu əsgər Qurbanov Çingiz Salman oğlu itkin düşüb. Sonradan məlum olub ki, onun meyiti qarşı tərəfdədir.

Müdafiə Nazirliyi əsgər Qurbanov Çingiz Salman oğlunun meyitinin geri qaytarılması ilə bağlı BQXK-nin Azərbaycan nümayəndəliyinə, ATƏT-in Minsk Qrupuna, o cümlədən ATƏT-in fəaliyyətdə olan sədrinin şəxsi nümayəndəsi Anjey Kaspşikə rəsmi qaydada müraciət edib.

Həmçinin oxuyun

“Araz” marketdən yağ alan müştəri şoka düşdü – “Çox təhlükəli qidadır” – FOTO

“Araz” marketlər şəbəkəsində mənşəyi məlum olmayan, təhlükəli yağlar satılır. Bu barədə BakuPost-a paytaxt sakini Xanım …

Bir cavab yazın