Ana səhifə / Sosial / Deputat: Pensiya və əməkhaqqının artırılması təqdirəlayiqdir

Deputat: Pensiya və əməkhaqqının artırılması təqdirəlayiqdir

Azərbaycanda pensiya və minimum əməkhaqqının artırılması təqdirəlayiqdir.

Bunu Trend-ə Milli Məclisin deputatı Nizami Cəfərov deyib.

Deputat pensiya və minimum əməkhaqqının artırılması barədə qərarın aparılan müəyyən təhlillər əsasında verildiyini söyləyib.

Onun sözlərinə görə, Prezidentin sərəncamı ilə pensiya və minimum əməkhaqqının artırılması Azərbaycanın sosial siyasətinin tərkib hissəsidir:

“Bütün bunlar bir daha onu sübut edir ki, dünyada baş verən iqtisadi böhran şəraitində Azərbaycan vətəndaşının normal yaşaması üçün dövlət tərəfindən bütün lazımi tədbirlər görülür. Dövlətin əhaliyə göstərdiyi dəstək bu gün ortaya çıxan məsələ deyil. Azərbaycanda həmişə əhalinin həyat şəraitinin yüksəldilməsi istiqamətində addımlar atılıb”.

Qeyd edək ki, Prezident İlham Əliyev minimum aylıq əməkhaqqının və bütün növ əmək pensiyalarının sığorta hissəsinin artırılması haqqında sərəncam imzalayıb. Sərəncamlara əsasən yanvarın 1-dən minimum aylıq əməkhaqqının məbləği 116 manat müəyyən edilir, bütün növ əmək pensiyalarının sığorta hissəsi isə 2016-cı il üzrə istehlak qiymətləri indeksinə uyğun olaraq artırılır.

Həmçinin oxuyun

Başı yarılan uşağa yardım etməyən həkimlərlə bağlı qərar verildi

Jurnalist Məhərrəm Əliyev bir neçə gün öncə qardaşı oğlunun başından xəsarət aldığını, lakin xəstəxanaların heç …

Bir cavab yazın