Deputat: “Bunu ödənişli edənlər cəzalarını almalıdır”

Milli Məclisin iclasında “Sosial sığorta haqqında” Qanuna dəyişikliklər müzakirə edilib.

Əmək və sosial siyasət komitəsinin sədri Musa Quliyev layihə barədə məlumat verərək vətəndaşları narahat edən bir məsələdən bəhs edib.

Komitə sədri “Forma-88” göndərişinin ödənişli olması məsələsindən danışarkən bildirib ki, göndəriş ödənişsizdir. Musa Quliyev bununla bağlı yayılan məlumatların həqiqətə uyğun olmadığını deyərək bildirib ki, fasilə zamanı TƏBİB-in rəhbərliyi ilə də əlaqə saxlayıb: “Onlar da “forma-88” arayışına görə ödənişin olmadığını bildirdilər. Belə bir qanunvericilik tələbi yoxdur. “Forma-88” göndərişini ödənişli edənlər qanunu pozurlar və cəzalarını almalıdırlar”.

Musavat.com