Cümə axşamı , Mart 28 2024
Ana səhifə / Sosial / Bu yolda hər an qəza ola bilər… – İşıqları kim söndürür? + Video

Bu yolda hər an qəza ola bilər… – İşıqları kim söndürür? + Video

Sosial şəbəkələrdə aeroport şossesində səhərə yaxın qaranlıq vaxtlarda küçə işıqlarının yandırılmaması səbəbindən sürücülərə yaradılan problemlər bağlı video yayımlanıb. Videonu çəkən şəxs bildirirb ki, yolların qaranlıq olması qəzaların baş verməsinə səbəb olur.

Yol hərəkəti qaydaları üzrə ekspert Ərşad Hüseynov “Qafqazinfo”ya açıqlamasında bildirib ki, Heydər Əliyev prospekti və Bakının əksər əhəmiyyətli küçələri “Azərbaycan Avtomobil Yolları Agentliyi”nin balansındadır: “Amma küçələrin işıqlandırılması ilə Bakı Şəhər İcra Hakimiyyətinin müvafiq departamenti məşğul olur. Maliyyə və texniki məsələlər elə həll olunmalıdır ki, bütün küçələrdə işıq olsun. Nazirlər Kabinetinin 2001-ci il tarixli 16 saylı qərarına görə qaranlıqda hətta kənd küçələri də işıqlandırılmalıdır. Bu, ilk növbədə təhlükəsizlik üçün lazımdır.

Bir neçə gün öncə də küçəni təmizləyən qadını da maşın vurmuşdu. Bunun səbəbi də küçənin işıqlandırılmamasıdır. Səhər saatlarında insanların işə getməsi və digər səbəblərdən piyadaların hərəkəti də intensivləşir. Küçələr işıqlandırılmadıqda qarşılıqlı hərəkət edən avtomobillərin faraları sürücülərə maneə olur, onlar heç nə görmürlər. Nəticədə də qəzalar baş verir. Bunun məsuliyyəti də yolların işıqlandırılmasına görə cavabdeh olan qurumların üzərindədir. Amma həm yol polisi, həm də Avtomobil Yolları Agentliyi də bunu tələb etməlidir”.

Ə.Hüseynov qeyd edib ki, sürücülər də yol qaranlıqdır deyə uzaq işıqlarla maşın sürməli deyillər:

“Şəraitə uyğun hərəkət etmək lazımdır. Ola bilsin asta sürətlə getməli olacaq, ola bilsin getdiyi yerə gecikəcək, amma başqa variant yoxdur. Bir halda ki, rəsmi qurumlar buna fikir vermir, heç olmasa sürücü diqqətli olmalıdır. Qəza olarsa, bunun bütün çətinliyini sürücü özü çəkəcək”.

Meriyanın tabeliyində olan Bakı şəhər İşığı Elektrik Şəbəkə Müəssisəsinin baş mühəbdisi Məhərrəm Babayev isə bildirib ki, həmin prospektə işıqlar səhər saat 05:45-də yandırılır, 06:15-də isə söndürülür. O bildirib ki, noyabrın 20-dən sonra işıqların yanma müddəti uzadılacaq: “Həftənin birinci günündən işıqlar səhər saat 05:30-da yandacaq, 06:30-da söndürüləcək. Bundan başqa, Aeroport yolunda hava qaralan kimi avtomatik yanan işıqlar da var”.

Murad Əhməd

Həmçinin oxuyun

“OMİD” 10 min manatədək cərimə oluna bilər – Məhkəmə davam edir

Azərbaycanda inşaat mallarının topdan və pərakəndə satışı üzrə ən böyük satış mərkəzlərindən birinə sahiblik edən …