Bu il 1580 əkiz, 75 üçəm və 4 dördəm doğulub

Bu ilin altı ayında ölkədə doğulan körpələrdən 1580-i əkiz, 75-i üçəm, 4-ü isə dördəm olub.
Bu barədə Dövlət Statistika Komitəsi məlumat yayıb. Məlumata görə, Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-iyun aylarında ölkə üzrə 53918 doğulan körpə qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 12,2-dən 10,7-yə düşüb. Doğulanlar arasında oğlan uşaqlarının xüsusi çəkisi 53,2 faiz, qız uşaqlarının xüsusi çəkisi isə 46,8 faiz olub.