Azinforum.az İnformasiya Portalı Onlayn Xəbər Portalı
Mingəçevir sakini internetdə dələduzların hədəfinə tuş gəlib. Naməlum şəxslər onun satmaq istədiyi qarajı almaq adı ilə pul köçürmək üçün bank kartının kodlarını istəyiblər. Həmin şəxs kartından pul çəkiləndən sonra aldadıldığını başa düşüb.
Mingəçevir sakini dələduzların toruna düşüb.
Şəhər sakini Fəxri Həsənov alqı-satqı saytlarının birində özünə məxsus qarajı satdığı haqda elan yerləşdirib. Bunu görən dələduzlar həmin şəxslə vatsap vasitəsi ilə əlaqə saxlayaraq qarajı almaq istədiklərini deyiblər. Ona Qazaxstanda olduqların və beh vermək üçün kart kodu göndərmələrini istəyiblər. Fəxri Həsənovun aldadılması da bundan sonra baş verib.
Fəxri Həsənov deyir ki, bir kartından 44 manat, digərindən isə 97 manat pul çəkilib. Mingəçevir sakini başına gələnlərdən sonra hər kəsi ehtiyyatlı davaranmağa çağrır. O, xarici nömrələrdən və ya tanımadıqları insanlardan gələn zəng, vatsap smslərini açmamağı, kart və hesablarını digər şəxslərə verməməyi tövsiyyə edir.
Qeyd edək ki, Fəxri Həsənov məsələ ilə bağlı polisədə məlumat verib. Faktla bağlı araşdırma aparılır.
