Cümə , Dekabr 9 2022
Ana səhifə / Sosial / Bakıya qar yağacaq

Bakıya qar yağacaq

Bakıda və Abşeron yarımadasında bu gün hava şəraitinin arabir yağıntılı olacağı gözlənilir.

Milli Hidrometeorologiya Xidmətindən verilən məlumata görə, axşam bəzi yerlərdə sulu qara keçəcəyi ehtimalı var.

Şimal-qərb küləyi arabir güclənəcək. Havanın temperaturu gecə 1-3° isti, gündüz 4-6° isti, Bakıda gecə 1-3° isti, gündüz 4-6° isti olacaq.

Atmosfer təzyiqi 762 mm civə sütunundan 759 mm civə sütununa enəcək. Nisbi rütubət 75-85% olacaq.

Azərbaycanın rayonlarında havanın arabir yağıntılı olacağı, sulu qar, qar yağacağı gözlənilir. Dağlıq və dağətəyi rayonlarda intensiv olacağı ehtimalı var. Gecə və səhər saatlarında duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 3° şaxtadan 2°-dək isti, gündüz 4-8° isti, dağlarda gecə 5-10° şaxta, yüksək dağlıq ərazilərdə 13-18° şaxta, gündüz 2-6° isti olacaq.

Həmçinin oxuyun

Gələn ilin Novruz, Ramazan və Qurban bayramları günləri müəyyənləşib

Gələn ilin Novruz, Ramazan və Qurban bayramları günləri müəyyən edilib. Bununla bağlı Baş nazir Əli …