Cümə axşamı , İyun 30 2022
Ana səhifə / Sosial / Bakının mərkəzində ağacları kəsib, ərazini parkinq etdilər – FOTO

Bakının mərkəzində ağacları kəsib, ərazini parkinq etdilər – FOTO

Bakının mərkəzində, Nizami Kino Mərkəzinin yaxınlığında ağacları kəsib, ərazini parkinq ediblər.

Bu barədə tanınmış jurnalist Azər Qərib məlumat yayıb.

O bildirib ki, bu, özbaşınalıqdır: “Əlli metr aralıda yeraltı parkinq var, amma məmur xalqın içi ilə 50 metr gedə bilməz, özünə yaraşdırmaz bunu, gərək kabinetindən çıxıb dərhal xidməti avtomobilinə minsin. Söz tapa bilmirəm, şəhərin tam mərkəzində ağacları kəsib, piyada səkini daraldıb, insanların yolunu kəsib özünə parkinq düzəldəsən? Bu qədərmi harınlaşma prosesi dərinləşib? Görəsən, 200 metr aralıda yerləşən Səbail Rayon İcra Hakimiyəti və Ekologiya və Təbii Sərvətlər Nazirliyi nə düşünürlər? Yenə 5-10 manat cərimə kəsəcəklər?”

Qeyd: Fotolar tanınmış memar Elçin Əliyevə məxsusdur.

Kənan Fotoları təqdim edirik

Həmçinin oxuyun

YDM-lərdə həm cibə girirlər, həm də maşına ziyan vururlar

Uzun illərdir ölkəmizdə yanacaqdoldurma məntəqələrində (YDM) benzinin əskik vurulması, litrdə kələk gəlinməsinə dair iddialar, ittihamlar …