Azinforum.az İnformasiya Portalı Onlayn Xəbər Portalı
Daxili İşlər Nazirliyinin Baş İctimai Təhlükəsizlik, Xətai və Səbail rayon Polis idarələrinin əməkdaşları yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması tədbirləri çərçivəsində reyd keçiriblər.
DİN-dən musavat.com-a verilən məlumata görə, reydlər nəticəsində Xətai rayonu ərazisində 2, Səbail rayonu ərazisində isə 3 mağazada satıcıların yetkinlik yaşına çatmayanlara tütün məmulatı satmaları aşkar edilib.
Polis əməkdaşları tərəfindən həmin mağazaların 5 satıcısı barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılmasına görə) protokollar tərtib olunmuş və hər biri 100 manat cərimə olunub.
Bu istiqamətdə reydlər davam etdirilir.
