Ana səhifə / Sosial / Bakıda parkdakı ağaclar yandırılıb – VİDEO

Bakıda parkdakı ağaclar yandırılıb – VİDEO

Bakıda yenə də ağaclara qənim kəsilənlər var. Bu dəfə Binəqədi rayonu, 7-ci mikrorayon ərazisində, metronun “Dərnəgül” stansiyasının çıxışındakı parkda bir neçə ağac quruyub, bəlkə də qəsdən qurudulub, hətta bəziləri yandırılıb. Yaxınlıqda isə tikinti gedir, çoxmərtəbəli bina tikilir. Burada ağaclar quruyub, bəziləri isə dibindən çıxarılıb.

Üstəlik, ərazidə ocaq izləri də var. Bu izlər ağacların qəsdən yandırılmasına dair şübhələri artırır.

Quruyan ağaclar tikilməkdə olan binanın 2-3 metrliyindədir. Tikintini icra edən şirkət isə ağacların inşaat prosesində məhv olduğunu və ya qəsdən qurudulduğunu təkzib edir. Şirkətin iş icraçısının “Xəzər Xəbər”ə verdiyi məlumata görə, ərazidə tikinti işlərinə 2021-ci ildə icazə verilib və aidiyyəti qurumlardan da bütün rəy və sənədlər alınıb. O ki qaldı ağacların yandırılmasına, şirkətin əməkdaşı bu hadisənin illər öncə baş verdiyini iddia edib.

Bakı Şəhər Yaşıllaşdırma Təsərrüfatı Birliyindən isə bildirildi ki, həmin ağacları kimin məhv etdiyi onlara məlum deyil. Amma qurumuş ağaclarla bağlı müvafiq rəy alındıqdan sonra onlar kəsilərək götürüləcək və yerinə yeni ağaclar əkiləcək.

Həmçinin oxuyun

“Vətəndaşın Azərbaycandakı yoxsulluqla bağlı fikirlərini qəbul etmirik”

“Statistika Komitəsinə sorğu göndərsək ki, nə qədər əhali var, o əhalinin nə qədəri işləyir, onların …