Ana səhifə / Sosial / Bakı metrosunda qatar TÜSTÜLƏNDİ

Bakı metrosunda qatar TÜSTÜLƏNDİ

Bu gün günorta saatlarında  “Bakı Metropoliteni”QSC-nin “Gənclik” stansiyasında həyəcanlı anlar yaşanıb.

Sərnişinlərin Modern.az-a verdiyi məlumata görə, qatar platformaya daxil olarkən, tüstüləmə başlayıb:

“Tüstü vaqonlara dolmuşdu, göz-gözü görmürdü, tüstü bogucu idi. Bizi qatardan düşürtdülər.Sonra metopolitenin əməkdaşları müdaxilə etdi, elə həmin qatarla da yola davam etdik”.

Məsələ ilə bağlı qurumun mətbuat xidmətinin rəhbəri Bəxtiyar Məmmədov Modern.az-a faktı təsdiqləyib:

“Qatarda tüstüləmə baş verib. Sərnişinlər tüstüləmə qeydə alınan qatardan düşürülüb, qatara baxış keçirilib. Hər şey qaydasında olduğu üçün qatar yoluna davam edib”.

B.Məmmədov tüstüləmə səbəbini də açıqlayıb:

“Tüstüləmə hiss edilən qayardan əvvəl yolda sınaq qatarı hərəkət edib. Qatarın təkərində “kalotka” sistemi od tutub. Belə olan halda təkər reysə sürtünüb və tüstüləmə başlayıb. Digər qatar da oradan keçəndə həmin reysdə tüstüləmə olub”.

Onun sözlərinə görə, sərnişinlər qısa müddətlik panika yaşayıb.

“Bir xanım özünü pis hiss etdiyindən hadisə yerinə təcili yardım briqadası çağırılıb. Xanıma ilkin tibbi yardım göstərilib və özünü yaxşı hiss etdiyindən xəstəxanaya getməkdən imtina edib”.

Həmçinin oxuyun

Pensiya və müavinətlər artırıla bilər – VİDEO

Cari ilin ortaları pensiyaların yenidən artırılacağı gözlənilir. Bunu millət vəkili Aydın Hüseynov deyib. O bildirib …