Cümə axşamı , Aprel 25 2024
Ana səhifə / Sosial / Azərbaycanda nikahsız qadınlar tərəfindən doğulan uşaqların sayı azalıb

Azərbaycanda nikahsız qadınlar tərəfindən doğulan uşaqların sayı azalıb

Azərbaycanda rəsmi qeydə alınmamış nikahda olan qadınlar tərəfindən doğulan uşaqların sayı azalıb.
Trend-in məlumatına görə, son 5 ildə rəsmi qeydə alınmamış nikahda olan qadınlar tərəfindən ən çox uşaq 2016-cı ildə doğulub. Həmin ildə 26 288 uşaq rəsmi qeydə alınmamış nikahda olan qadınlar tərəfindən dünyaya gətirilib. Bu isə həmin ildə bütün diri doğulanların 16,5 faizini təşkil edib.
Ümumilikdə 2013-cü ildə 25 069 (bütün diri doğulanların 14,5 faizi), 2014-cü ildə 25 486 (bütün diri doğulanların 14,9 faizi) , 2015-ci ildə 24 038 (bütün diri doğulanların 14,5 faizi), 2016-cı ildə 26 288 (bütün diri doğulanların 16,5 faizi), 2017-ci ildə isə 22 796 uşaq (bütün diri doğulanların 15,8 faizi) rəsmi qeydə alınmamış nikahda olan qadınlar tərəfindən doğulub. Belə uşaqlar daha çox kənd yerlərində dünyaya göz açıb.
2013-cü ildə rəsmi qeydə alınmamış nikahda olan qadınlar tərəfindən doğulan uşaqların 10 892 nəfəri şəhər, 14 177 nəfəri kənd, 2014-cü ildə 9 772 nəfəri şəhər, 15 714 nəfəri kənd, 2015-ci ildə 9 411 nəfəri şəhər, 14 627 nəfəri kənd, 2016-cı ildə 9 592 nəfəri şəhər, 16 696 nəfəri kənd, 2017-ci ildə 8 167 nəfəri şəhər, 14 629 nəfəri kənd yerlərinin payına düşüb.

Həmçinin oxuyun

Hansı rayonda nə qədər özəl uşaq bağçası var? – SİYAHI

Azərbaycanda 148 qeyri-dövlət məktəbəqədər təhsil müəssisəsi fəaliyyət göstərir.Qeyri-dövlət məktəbəqədər təhsil müəssisələrinin 84,5%-i və ya 125-i …