Bu gün Azərbaycanda 3018 nəfər koronavirus testindən keçirilib.
Bu barədə Tibbi Ərazilərin İdarəetmə Birliyi (TƏBİB) məlumat yayıb.
Bildirilib ki, ölkədə indiyədək 53 min 11 nəfər testdən keçirilib. Hazırda reanimasiyada olan xəstə sayı 8, süni tənəffüs cihazında olan xəstə sayı 2 nəfərdir.
Qeyd edək ki, Azərbaycanda koronavirusa yoluxanların sayı 822, virusdan ölənlər 8, sağalan xəstə sayı 63, aktiv xəstələrin sayı isə 751 nəfərə çatıb.