Azərbaycanda 2018-ci ilin birinci yarısında 10 qız evlənmək məqsədilə qaçırılıb.
Bu barədə AzVision.az-ın sorğusuna cavab olaraq Dövlət Statistika Komitəsindən məlumat verilib. Bildirilib ki, cari ilin birinci yarısında ümumi cinayətlərdən 13-ü adam oğurluğu ilə bağlı olub.
2018-ci ilin yanvar-iyun ayları ərzində ölkədə 12844 cinayət faktı qeydə alınıb ki, bu da 2017-ci ilin müvafiq dövrünün göstəricilərinə nisbətən 2.6 faiz azdır.
Şəxsiyyət əleyhinə qeydə alınmış 2476 cinayətin 129-u şəxsiyyətin cinsi toxunulmazlığı və cinsi azadlığı əleyhinə olan cinayətlərdir. Bunlardan 12-si zorlanma ilə bağlıdır.