Növbəti həftədən Azərbaycanda 50-yə yaxın baxçada isti yeməklə təminata başlanılacaq.
Bunu təhsil naziri Emin Əmrullayev brifinqdə deyib. Onun sözlərinə görə, bağçalarda uşaqların qidalanmasına dair standartların ilkin versiyası hazırlanıb.
“Hazırda bağçalarda uşaqların qidalanması 1994-cü ilin normativi ilə tənzimlənir. Qida qramla qeyd edilib. Siyahıdakı ərzaqların bir çoxu bazarda yoxdur. Bizim yanaşmamız qida növləri ilə deyil, kalori, yaşa uyğun norma ilə tənzimlənmədir”.