Bazar ertəsi , May 25 2020
Ana səhifə / Sosial / Azərbaycanlı milyarder erməni məsələsinə görə Narişkinə yazdı: “Vətəndaşlıqdan çıxaram…”

Azərbaycanlı milyarder erməni məsələsinə görə Narişkinə yazdı: “Vətəndaşlıqdan çıxaram…”

Azərbaycanlı milyarder və ictimai-siyasi xadim Fərhad Əhəmədov Rusiya Dövlət Dumasının spikeri Sergey Narışkinə məktub yazaraq “erməni soyqırımı”nın inkarına görə cinayət məsuliyyətini nəzərdə tutan qanun layihəsinin qəbuluna imkan verməməyə çağırıb.

Məktubun virtualaz.org saytının redaksiyasına göndərilmiş surətində deyilir ki, əgər bu qanun layihəsi qəbul edilsə Fərhad Əhəmədov Rusiya vətəndaşlığından çıxacaq.

Xəbər verildiyi kimi “erməni soyqırımı”nın inkarına görə məsuliyyət nəzərdə tutan qanun layihəsi ötən ilin noyabrında Dövlət Dumasına təqdim edilib. Sənədin müəllifi “Ədalətli Rusiya” fraksiyasıdır. Bu günlərdə məlum olub ki, Rusiyadakı azərbaycanlı diasporunun 30-a qədər tanınmış nümayəndəsi Narışkinə məktub göndərərək qanun layihəsinin müzakirəyə çıxarılmasından çəkinməyə çağırıb. Eyni zamanda məlum olub ki, Rusiyadakı azərbaycanlı diaspor təşkilatlarının rəhbərləri həmin məktubu imzalayanlara təzyiq göstərib.

Narışkinə məktubunda Fərhad Əhəmədov yazır ki, 1995-ci ildə Duma “erməni soyqırımı”nı pisləyən qətnamə qəbul edib. İndi isə “soyqırımı” inkar edənlərə qarş məsuliyyət nəzərdə tutan qanun layihəsinin müəlliflərinin motivi ona aydın deyil. “Təəsüflə bildirirəm ki, əgər bu və ya digər səbəbdən həmin qanun layihəsi qəbul edilsə həyatımın 40 ilini verdiyim, o cümlədən 5 il Federasiya Şurasının üzvü kimi xidmət etdiyim Rusiyanın vətəndaşlığından imtina edəcəyəm”-məktubda deyilir.

Həmçinin oxuyun

Sabah hava necə olacaq? — PROQNOZ

Azərbaycanda sabaha gözlənilən hava şəraiti açıqlanıb. Milli Hidrometeorologiya Xidmətindən verilən məlumata görə, mayın 26-da Bakıda və …

Bir cavab yazın