“Myanmada müsəlmanlara qarşı qətliam və kütləvi zorakılıq hallarını qətiyyətlə pisləyirik”
Bu sözləri Prezident İlham Əliyev İslam Əməkdaşlıq Təşkilatının elm və texnologiya üzrə birinci Sammitində çıxışında bildirib.
“Biz müsəlmanlara qarşı törədilən cinayətləri, xüsusilə də son vaxtlar Myanmada Rohingiya müsəlmanlarına qarşı həyata keçirilən qətliam və kütləvi zorakılıq hallarını qətiyyətlə pisləyirik. Biz beynəlxalq təşkilatları, dünya ictimaiyyətini, siyasi və dini liderləri Myanmada baş verən hadisələrin qarşısının alınması üçün zəruri addımlar atmağa çağırırıq. Yeri gəlmişkən, bildirmək istəyirəm ki, sentyabrın 8-də AzərbaycanRohingiya qaçqınlarına humanitar yardım – 100 ton ərzaq məhsulu göndərmişdir”, – deyə dövlətimizin başçısı qeyd edib.