Cümə axşamı , Dekabr 3 2020
Ana səhifə / Sosial / Anası tərəfindən atılan körpəni Komitə nəzarətə götürdü — FOTO

Anası tərəfindən atılan körpəni Komitə nəzarətə götürdü — FOTO

Ailə, Qadın və Uşaq Problemləri üzrə Dövlət Komitəsinə daxil olmuş məlumata əsasən, Xəzər rayonu Binə qəsəbə sakini Əliyeva Sabirə Rəcəbəli qızı altı aylıq nəvəsi ilə birlikdə təcili yardımla Bakı şəhəri, A.F.Qarayev adına 2 saylı Uşaq Kliniki Xəstəxanasına yerləşdirilib.


Komitədən daxil olan məlumata görə, 22 iyul 2020-ci il tarixində Komitənin səlahiyyətli nümayəndəsi A.F.Qarayev adına 2 saylı Uşaq Kliniki Xəstəxanasında olarkən özünü uşağın nənəsi kimi təqdim edən Sabirə Əliyeva ilə söhbət zamanı müəyyən olunub ki, azyaşlının valideynləri qanuni nikahda olmadan birgə yaşayıblar. Uşağın nənəsi tərəfindən ananın psixoloji problemlərdən əziyyət çəkdiyi və hazırda qızının harada olması barədə məlumatlı olmadığı bildirilib.


Ailə, Qadın və Uşaq Problemləri üzrə Dövlət Komitəsi və nəzdində fəaliyyət göstərən Şüvəlan Uşaq və Ailələrə Dəstək Mərkəzi Xəzər rayon İcra Hakimiyyəti ilə birgə uşağın yaşayış yerinə səfər edərək vəziyyətin uşağın mənafeyi baxımından qiymətləndirilməsi ilə bağlı müvafiq tədbirlər həyata keçirirlər. Hazırda həkim nəzarətində olan uşağın müvafiq müayinə və müalicələri davam etdirilir.


Məsələ Komitənin nəzarətindədir və araşdırılması məqsədilə Daxili İşlər Nazirliyinə və müvafiq yerli icra hakimiyyəti yanında Gender zorakılığı və uşaqlara qarşı zorakılıq üzrə monitorinq qrupuna müraciət göndərilib.


Qeyd edək ki, azyaşlının ruhi xəstə olan anası tərəfindən atılması xəbərini “Oxu.az” yayıb. Bildirilib ki, qadın “vergili olduğu üçün və uşağına toxuna bilmədiyinə görə” 5 aylıq körpəsini atıb. Azyaşlının qasıq yırtığı və qaraciyər problemi var. 

Həmçinin oxuyun

“SMS icazə” ilə bağlı VACİB AÇIQLAMA

Xəbər verdiyimiz kimi, Türkiyədə koronavirusa yoluxma hallarının artmasına görə karantin rejimi sərtləşdirilib. Bu barədə Türkiyə …