Cümə , Dekabr 9 2022
Ana səhifə / Sosial / AMEA-da elmi-tədqiqat işlərini şübhəli şirkətlər həyata keçirir – FAKTLAR

AMEA-da elmi-tədqiqat işlərini şübhəli şirkətlər həyata keçirir – FAKTLAR

Azərbaycan Milli Elmlər Akademiyasının (AMEA) Akademik Y.H.Məmmədəliyev adına Neft-Kimya Prosesləri İnstitutu tərəfindən keçirilən tender müsabiqəsinin qalibi məlum olub.

Yeniavaz.com açıqlanan rəsmi məlumatlara istinadən bildirir ki, dəyəri 43 min 500 manat olan tender müsabiqəsinin qalibi “Alfa 99 Corp” MMC (VÖEN- 1505786351) olub.

“Alfa 99 Corp” MMC AMEA-nın sifarişi əsasında Elmi-tədqiqat işləri üzrə tədqiqatlar aparacaq.

Nizamnamə kapitalı 10 manat olan “Alfa 99 Corp” MMC-nin hüquqi ünvanı Nərimanov rayonu, Ağa Nemətulla, ev 56, m. 105/135-də yerləşir. MMC-nin qanuni təmsilçisi Cəfərov Ülvi Şahin oğludur.

“Alfa 99 Corp” MMC bu ilin yanvar ayının 31-də dövlət qeydiyyatına alınıb. Yaxın tarixdə qeydiyyata alınmasına baxmayaraq MMC təkcə son 10 gün ərzində 4 tenderin qalibi olmağı bacarıb.

Tender keçirən qurumQalib şirkətMüsabiqənin adıMəbləğ
“İçərişəhər” Muzey Mərkəzi“Alfa 99 Corp”Sərginin təşkili14 639 azn
4 nömrəli Uşaq Somatik Sanatoriyası“Alfa 99 Corp”Dəftərxana və təsərrüfat malları9 595,85 azn
“Bakı şəhər Narkoloji Mərkəzi”“Alfa 99 Corp”Dəftərxana və təsərrüfat malları9 973,2 azn
AMEA“Alfa 99 Corp”Elmi-tədqiqat işləri43 500 azn

Diqqət çəkən məqamlardan biri də odur ki, “Alfa 99 Corp” MMC-nin qanuni təmsilçisi Cəfərov Ülvi Şahin oğlu eyni tarixdə, eyni ünvanda qeydiyyatdan keçən daha 4 MMC-nin – “ORLONDO 22 CORP”, “AZ LAND LT”, “GREEN DREAM LT” və “CFR 22 CORP” MMC-lərin qanuni təmsilçisidir.

Adları qeyd olunan şirkətlər də qeydiyyata alındıqdan qısa müddət sonra çoxsaylı tender müsabiqələrinin qalibi olub.

Məlumdur ki, bu ilin əvvəlində yaranan, nəinki rəsmi veb-səhifəyə, hətta sosial şəbəkə hesabına sahib olmayan bu şirkətlərin hansı peşəkarlığa və təcrübəyə sahib olacağı aydın deyil.

“Dövlət satınalmaları haqqında” Qanunun 6-cı maddəsində də malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.

Onu da xatırladaq ki, Cəfərov Ülvi Şahin oğlunun rəhbərlik etdiyi şirkətlərlə bağlı bir sıra başqa şübhəli məqamlar da var. Bu MMC-lərin qeydiyyatda olduğu hüquqi ünvanda – Ağa Nemətulla, ev 56, m. 105/135-də bu günə kimi çoxsaylı şirkətlər qeydiyyata alınıb və onlar da çoxsaylı tenderlərdə qalib olublar.

Həmçinin oxuyun

“Toppuş bacı”ya tətbiq olunan immunoterapiya xərçəngi tam sağaldır? – AÇIQLAMA

Hazırda onkoloji xəstələrin qəbul etdiyi “ağıllı dərman” və immunoterapiya ən bahalı müalicələrdəndir.Bəzən xəstələr bu terapiyaları …