Aliment borcuna görə həbsdə olanların sayı açıqlanıb

Aliment tələbinə dair icra sənədləri üzrə 2022-ci ilin birinci yarımilində 5 minədək borclu axtarışa verilib.

Bu barədə Ədliyyə Nazirliyindən APA-nın sorğusuna cavab olaraq bildirilib. Qeyd edilib ki, onlardan 3500-dək borclu hesabat dövrünün sonuna axtarışda olub.

İlin birinci yarımilində icra məmurlarının qanuni tələblərini yerinə yetirməyən 1000-dən çox borclunun barəsində inzibati həbs tətbiq olunub.