Alıcılar saxta içkiləri müəyyən edə bilərmi – EKSPERT

Baş Mütəşəkkil Cinayətkarlıqla Mübarizə İdarəsinin əməkdaşları saxta spirtli içkilər hazırlayaraq şərab evlərində satan mütəşəkkil cinayətkar dəstəyə qarşı əməliyyat keçirib. Daxili İşlər Nazirliyinin (DİN) Mətbuat Xidmətindən verilən məlumata görə, dəstə üzvləri barəsində həbs qətimkan tədbiri seçilib.

Qida mühəndisi İsa Əliyev Sputnik Azərbaycan-a deyir ki, bir çox qida məhsullarında olduğu kimi, spirtli içkilərin də saxtasını gözlə aşkarlamaq mümkün deyil:

“Bununla bağlı AQTA-nın keçirdiyi ani reydlər yerindədir. Saxta məhsulları hazırlayanlar qeydiyyatda olan firmalar deyil. Saxta spirtli içkilər ölümlə nəticələnən hadisələrin baş verməsinə səbəb ola bilir. Normal şəraitdə hazırlanan içkilərə görə ölüm halları baş verməməlidir. Saxta spirtli içkilərdən daha çox restoranlar və şadlıq sarayları istifadə edir”.