Cümə axşamı , Mart 28 2024
Ana səhifə / Sosial / *5550 taksi şirkəti müştərilərini belə aldadır

*5550 taksi şirkəti müştərilərini belə aldadır

Son zamanlarda Bakıda taksi xidməti göstərən şirkətlərindən şikayətlərin sayı durmadan artır.

Belə ki, tanınmış jurnalist Günel Musa *5550 taksi şirkətinin məsuliyyətsiz və laqeyid xidmətindən gileylənib.

O başına gələnləri Cebhe.info-ya belə şərh edib:

“Dünən *5550-dən iki ünvana – Xətai rayonu “20 Yanvar” metrostansiyasından “Həzi Aslanov” metrostansiyasına və ordan da Sadıqcan 87 ünvanına taksi sifariş etdim. Qiymət 7.80 qəpik tutdu.

Yolda sürücü mənə dedi ki, yollar tıxacdır, 15 manat verə bilərsiniz, sizi aparım? Mən də buna imkanımın olmadığını bildirdim. Sürücü yolboyu deyinib, aqressiv davranış nümayiş etdirdi. Başladı eyham vurmağa ki, müştərinin də gərək vicdanı olsun filan… Mən sürücüyə izah edə bilmədim ki, bu müştərinin yox, şirkətlə sürücü arasındakı problemdir.

Nəyisə, birinci ünvana çatdıq. Mən sürücüyə 10 manat verdim və qalıq istəmədim ki, təki sürücü bir az sakitləşsin. Gedib anamgildən oğlumu götürüb çıxdım. Heç bir dəqiqə çəkmədi. Baxıram ki, taksi gözləmədən çıxıb gedib. Hansı ki, bu barədə əvvəlcədən razılıq olub və sifariş 2 ünvana edilib. Sürücü həm təyin olunandan artıq pul alıb, həm də məni aldadaraq aradan çıxıb. Bu rəzalətdir və fırıldaqçılıqdır. Eyni zamanda birbaşa şirkətin problemidir. Çünki qiyməti şirkət müəyyənləşdirir və sürücü də bununla razılaşır ki, sifarişi qəbul edir. Burada müştərilik heç nə yoxdur”.

Günel Musa başına gələnlərlə bağlı şirkətlə əlaqə yaradıb və onlara məlumat verib. Amma şirkət tərəfindən müştəriyə yalnız vəd verilib. Yəni nə sürücü ilə bağlı tədbir görülüb, nə də zərərçəkən müştərinin pulu qaytarılıb.

Məsələ ilə bağlı *5550 taksi şirkəti ilə əlaqə yaratdıq. Şirkətin rəsmisi Cebhe.info-ya bildirib ki, məsələ nəzarətə götürülüb və sürücü barədə ciddi tədbir görüləcək:

“Bəli, həqiqətən də dünən bizə belə bir sifariş olunub. Bizim üçün müştəri xidməti və şikayətləri hər şeydən vacibdir. Adətən, belə hala yol verən srücülər xəttdən kənarlaşdırılır. Əgər müştəri şikayət edibsə, çox güman ki, həmin sürücü xəttdən uzaqlaşdırılacaq. Hər halda məsələ nəzarətə götürüləcək və müştərinin pulu geri qaytarılacaq”.

Həmçinin oxuyun

“OMİD” 10 min manatədək cərimə oluna bilər – Məhkəmə davam edir

Azərbaycanda inşaat mallarının topdan və pərakəndə satışı üzrə ən böyük satış mərkəzlərindən birinə sahiblik edən …