Cümə axşamı , Mart 28 2024
Ana səhifə / Sosial / “4 aydır maaş verilmir, bu yoxsul şirkətdən qaçın…”

“4 aydır maaş verilmir, bu yoxsul şirkətdən qaçın…”

Azərbaycanlı oliqarx Mübariz Mənsimovun biznes imperiyasının çökdüyünə dair daha bir məlumat Rusiyanın dənizçilik forumlarından birində yer alıb. Virtualaz.org xəbər verir ki, morehod.ru forumunda “Voljanin58” adlı istifadəçi yazır: “Palmali”də artıq 4 aydır maaş verilmir. “Palmali”yə işləməyə getməyin, bu yoxsul, müflis şirkətdən qaçmaq lazımdır”.

Ehtimal ki, söhbət “Palmali”nin Rostovdakı “Palmali” MMC adlı törəmə şirkətinin işçisindən gedir. Rusiyanın hüquq-mühafizə orqanları bu şirkətin iri məbləğdə vergidən yayınması faktı üzrə araşdırmalar aparır.

Xatırladaq ki, bundan əvvəl “Lukoil” şirkətinin prezideni Vahid Ələkbərov da “Palmali” şirkətinin müflisləşmə ərəfəsində olduğunu açıqlamışdı. “Palmali”nin sahibi Mübariz Mənsimov “Lukoil”un neft treydinqi ilə məşğul olan törəmə şirkəti “Litasco”ya qarşı 2 milyard dollarlıq məhkəmə iddiası qaldırıb. Mənsimov iddia edir ki, “Litasco” onun şirkəti ilə neft daşımalarına dair imzalanmış müqavilənin şərtlərini pozub. V.Ələkbərov isə bunu diqqəti “Palmali”nin batmasından yayındırmaq cəhdi adlandırmışdı.

Həmçinin oxuyun

“OMİD” 10 min manatədək cərimə oluna bilər – Məhkəmə davam edir

Azərbaycanda inşaat mallarının topdan və pərakəndə satışı üzrə ən böyük satış mərkəzlərindən birinə sahiblik edən …