Xətai rayonu, Məhəmməd Hadi küçəsində ağacların kəsilməsi ilə bağlı sosial şəbəkələrdə yayılmış məlumat Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.
Xidmət rəsmisi Qafar Ağayev bildirib ki, araşdırma nəticəsində gecə saatlarında 2 ağacın kəsildiyi müəyyən edilib.
“Məhəmməd Hadi küçəsi, 103 saylı binanın ətrafındakı yaşıllıq ərazidə ağacların kim tərəfindən kəsildiyini müəyyən etmək məqsədilə hazırda hüquq-mühafizə orqanları ilə birgə araşdırma aparılır”, – Q.Ağayev vurğulayıb.
Qeyd edək ki, sosial şəbəkə istifadəçisi Orxan Kərimov Xətai rayonunun Məhəmmədi Hadi küçəsində 20 illik ağacların kəsilməsi ilə bağlı fotolar paylaşıb. Bildirib ki, bu ərazidə görüntü üçün yeni ağaclar əkilib.