Ana səhifə / Sosial / “190 manat verilsin, şərtlər də yumşaldılsın” – Fazil Mustafa

“190 manat verilsin, şərtlər də yumşaldılsın” – Fazil Mustafa

“İyun, iyul ayları üçün 190 manat məbləğində aztəminatlı ailələrə dəstəyin verilməsi o halda effekt verə bilər ki, şərtlər tam yumşaldılsın, əmlak və başqa əsaslara görə imtinaya son qoyulsun”.

Bunu Milli Məclisin deputatı Fazil Mustafa deyib.

“Ötən təcrübə göstərdi ki, bu vəsaiti əldə etmə stressi o qədər böyük oldu ki, insanları xeyli vaxt növbədə durmağa, vaxt itkisinə məruz qalmağa məhkum etdi. Bizdə işin əsas çətinliyi oradadır ki, alt qatlarda bu prosesi sistemli aparmalı olan bələdiyyə qurumlarının və icra nümayəndəliklərinin şəbəkə üzrə fəaliyyət göstərmə imkanları məhduddur. Mərkəzləşmiş qaydada bu işləri gördükdə, unudulan və ya əlçatmaz ailələrin, vətəndaşların sayı da yetərincə olur. Yerlərdə ərzaq yarımı işində də bir sistemsizlik var. Fikrimcə, təcridolunma şəraitində yaşayan ailələrin əvvəlki müraciət qaydasında dəstəklənməsi ilə yanaşı, bu vəsaiti ala bilməyən, yaxud müraciətinə imtina cavabı verilən yeni ailələr üçün də şərtləri asanlaşdıraraq ödənişlər edilməlidir. Özlüyündə 190 manat bir ay üçün yetəcək bir rəqəm deyil, lakin dövlətin imkanlarını nəzərə alaraq və pandemiyanın müddətini proqnozlaşdırmaq mümkün olmadığından ən azı daha geniş vətəndaşın kütləsinin sıxıntısını azaltmaq üçün əhatə dairəsini genişləndirmək vacibdir” – F.Mustafa vurğulayıb.

Həmçinin oxuyun

Pensiya və müavinətlər artırıla bilər – VİDEO

Cari ilin ortaları pensiyaların yenidən artırılacağı gözlənilir. Bunu millət vəkili Aydın Hüseynov deyib. O bildirib …