Azinforum.az İnformasiya Portalı Onlayn Xəbər Portalı
Türkiyə-Azərbaycan Yüksək Səviyyəli Strateji Əməkdaşlıq Şurasının keçiriləcəyi şəhər dəyişdirilib
Türkiyə-Azərbaycan Yüksək Səviyyəli Strateji Əməkdaşlıq Şurasının beşinci iclasının keçiriləcəyi yer dəyişdirilib.
Türkiyənin Azərbaycandakı səfirliyindən “Report”a verilən məlumata görə, Gəncədə keçirilməsi nəzərdə tutulan görüş Bakıda olacaq.
Dəyişikliyə Gəncədəki güclü duman səbəb olub.
“Əvvəlcədən xəbər verildiyi kimi, iclasda iştirak etmək üçün fevralın 18-də Türkiyə prezidenti Rəcəb Tayyib Ərdoğan Azərbaycana gələcək”, – səfirlikdən bildirilib.
Musavat.com-a daxil olan məlumata görə, Türkiyə prezidenti R.T.Ərdoğanın Gəncə səfəri təhlükəsizlik səbəbilə gündəlikdən çıxarılıb. Gəncə şəhəri cəbhə bölgəsinə yaxın olduğu üçün toplantının paytaxt Bakıda keçirilməsi məqbul hesab olunub.
Musavat.com-un əməkdaşı bu məlumatı dəqiqləşdirmək üçün Türkiyənin Bakıdakı səfirliyi ilə əlaqə saxlayıb. Türkiyə səfirliyindən prezident R.T.Ərdoğanın Gəncəyə deyil, Bakıya səfər edəcəyini təsdiqləyiblər.
