Cümə axşamı , Mart 28 2024
Ana səhifə / Siyasət / Ziya Selçuk: “Şuşada inşa ediləcək məktəbdə türkiyəli müəllimlərin dərs keçməsi planlaşdırılır”

Ziya Selçuk: “Şuşada inşa ediləcək məktəbdə türkiyəli müəllimlərin dərs keçməsi planlaşdırılır”

“Şuşada inşa ediləcək məktəbdə nəyə ehtiyac olarsa hamısı qarşılanacaq”.

Bunu Türkiyənin milli təhsil naziri Ziya Selçuk deyib.

Onun sözlərinə görə, bəzi dərslərin Türkiyədən gələn və ya Türkiyədə təhsil almış müəllimlər tərəfindən keçirilməsi nəzərdə tutulub: “Bəzi dərslərin isə azərbaycanlı müəllimlər tərəfindən tədris olunması planlaşdırılır. Birlikdə bəzi layihələr həyata keçirmək və ortaq dərs keçmək arzusu da var”.

Qeyd edək ki, Prezident İlham Əliyev mayın 27-də Ziya Selçuku qəbul edib. Dövlət başçısı qəbulda bildirib ki, Türkiyə Prezidenti Rəcəb Tayyib Ərdoğanın Şuşaya gözlənilən səfəri çərçivəsində Türkiyə tərəfindən təklif edilən bir hədiyyə kimi, məktəbin təməlqoyma mərasiminin keçirilməsi proqramda əksini tapıb.

R.T.Ərdoğan iyunun 15-də Azərbaycana gələcək. Şuşaya səfər isə iyunun 16-na planlaşdırılıb. Report

Həmçinin oxuyun

Ermənistanın balans siyasətində yaşanan ani səhvlərin uzun plandaki fəsadları

Son zamanlarda Ermənistan hakimiyətinin Qərb sevdası və Avro-Atlantik təşkilatlarına üzv olma istəkləri daha çox gündəmə …