Ana səhifə / Siyasət / “Yaqub Eyyubov, sən hansı rus torpaqlarını müdafiə edib, bu ordeni almısan?”

“Yaqub Eyyubov, sən hansı rus torpaqlarını müdafiə edib, bu ordeni almısan?”

“Rusiya artıq həmin Rusiya deyil. Ukrayna müharibəsindən sonra heç kim Rusiyanı adam yerinə qoymur. Estoniya və Litva Rusiyaya qarşı ərazi iddiası ilə çıxış edir, Moldova və Gürcüstan Rusiyanın əleyhinə bəyanatlar səsləndirir və s. Gürcüstandan böyük olan Azərbaycan isə heç nə etmir. Bunun səbəbi ondadır ki, Azərbaycanda vəzifədə olanların içərisində Rusiyanın kadrları, Rusiyanın agentura şəbəkəsinə cəlb edilmiş adamlar hələ də çoxdur”.

Bunu ADP sədri Sərdar Cəlaloğlu Azpolitika.info-ya müsahibəsində deyib. O, bildirib ki. Həmin adamlar vasitəsi ilə Rusiyanın hökumətə təsir imkanları var:

“Parlamentdə də Rusiyaya xidmət edən deputatların sayı kifayət qədərdir. Bundan əlavə qeyri-rəsmi güclər də var. Lobbilər, cinayətkar elitalar, biznes dairələri və s. Bu dairələrin hər zaman hökumətin siyasətinə təsiri böyük olub.  Dünyada belədir… Azərbaycanda da dövlətin siyasətinə təsir edən ruypərəst qüvvələr var.

Məsələn, orduda Nəcməddin Sadıkov və onun adamları…

Ümumiyyətlə, hökumətdə köhnədən qalanların bir çoxu Rusiya xəttində olan adamlardır. Məsələn, Baş nazirin müavini Yaqub Eyyubov. Bu adam Rusiyadan “Rus torpaqlarının qorunmasında göstərdiyi xidmətlərə görə” orden alıb. Sual olunur – Yaqub Eyyubov, sən hansı rus torpaqlarını müdafiə edib, bu ordeni almısan? Belə çıxır ki, Azərbaycanı müstəqillik yolundan saxlamaq, ruslar üçün rus torpaqlarının müdafiəsi anlamına gəlir… Baxın, Azərbaycan məmurlarının 70-80 faizinin Türkiyə ilə heç bir əlaqəsi yoxdur, bu ölkəyə səfər etmirlər. Parlamentin keçmiş sədri Oqtay Əsədovun pulları Moskvada idi. Niyə Türkiyəyə və ya İngiltərəyə aparmayıb? Çünki Rusiyanın adamı idi, bu pulları da Rusiyanın vasitəsilə qazanmışdı. Məsələn, Allahşükür Paşazadənin biznesi haradadır? Rusiyanın təsiri altında olan Şərqi Avropa ölkələrində…”.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …