Təqaüdçü 85 yaşlı arvadını baltaladı – Xəyanətdə şübhələnib…

Rusiyanın Tula vilayətində ağlagəlməz cinayət hadisəsi baş verib.

“Qafqazinfo” Rusiya KİV-ə istinadən xəbər verir ki, ər 85 yaşlı arvadının xəyanət etməsindən şübhələnərək onu öldürüb. Daha sonra 84 yaşlı təqaüdçü damarlarını kəsərək intihara cəhd edib. Lakin Fövqəladə Hallar Nazirliyi əməkdaşlarının evin qapısını qıraraq içəri keçməsi onun cəhdini yarımçıq qoyub. Təqaüdçü ağır vəziyyətdə xəstəxanaya çatdırılıb.

Məlum olub ki, ər arvadını balta və çəkiclə qətlə yetirib.

Faktla bağlı ekspertiza təyin edilib.