25 il öncə Azərbaycan oğullarının qanının axdığı Daşaltının daşları üstündə bu gün erməni axçiləri, dığaları atlanıb-düşür…
Qızmar yay günlərində Bakıda və aran rayonlarında məskunlaşmış didərgin soydaşlarımızın adam kimi kölgələnməyə bir yer, içməyə sərin su tapa bilmədiyi bir vaxtda işğal altındakı torpaqlarımızı zəbt etmiş və xaricdən gəlmiş ermənilər, eləcə də əcnəbi turistlər o yerlərin ən gözəl, ən saf havalı, təmiz, bumbuz sulu guşələrində kef edir.
Moderator.az Rusiya mediasına istinadla bir neçə gün öncə Şuşanın Daşaltı dərəsində çəkilmiş foto və video-kadrları təqdim edir. Görüntülərdən aydın olur ki, buradakı məşhur Çətir şəlaləsinə alman turistlər də gəlib çıxıb….
Xatırladaq ki, Daşaltı dərəsində yerləşən Çətir şəlaləsi el arasında suyun yaratdığı nadir səsə görə “Şır-şır” şəlaləsi kimi də tanınır. Ermənilər bu təbiət möcüzəsinə “Mamrot Kar” və ya “Zontikner” deyirlər. Şəlalədən axan su Daşaltı çayına tökülür. Hal-hazırda işğalçı rejim Qarabağın belə görməli yerlərinə maksumum turizm cəlb etməyə çalışır…
P.S. 25 il 7 ay öncə öncə-1992-ci il yanvarın 26-da 100-ə yaxın Azərbaycan oğlunun şəhid olması və itkin düşməsi ilə nəticələnmiş Daşaltı xəyanətinin və s. üstü açılmayınca ermənilər də bu daşların, bu suların üstündə kef edəcək…