Azinforum.az İnformasiya Portalı Onlayn Xəbər Portalı
Onkoloji xəstələr Respublika Milli Onkologiya Mərkəzində Zalateks iynəsinin olmamasından şikayətlənib. Xəstələrin sözlərinə görə artıq bir aya yaxındır ki, onlara Zalateks iynəsi vurulmur. Adı çəkilən iynənin apteklərdən tapılması da mümkünsüz olub.
Baş onkoloq Azad Kərimli də Cebhe.info-ya açıqlamasında məlumatı təsdiqləyib: “Zalateks iynəsi yoxdur. Neyləyək, özümüzə vurmuruq ki? Bu vaxtadək xəstələrə həmin iynə vurulub. İndi ilin axırıdır, iynə yoxdur, təzəlikcə qurtarıb”.
A.Kərimlinin sözlərinə görə, Zalateks iynəsinin olmamasına səbəb öncədən xəstələrin onların hesablaması ilə müqayisədə çox olmasıdır: “Məsələn, biz aldığımız iynəni 20 nəfərə hesablamışdıq, 80 nəfər olub. Bu səbəbdən iynə çatışmazlığı olub. Satışdan tapmaq olar”.
A.Kərimli xəstələrin bu iynəyə möhtac olmadığını deyib: “Xəstələr bu iynəyə möhtac deyil. Gəlsinlər, əvəzləyicisini verək. Zalateks yox idi, müalicə nəylə gedirdi?”.
