Cümə axşamı , Mart 28 2024
Ana səhifə / Siyasət / “Naxçıvandan Yerevana 1 saat ərzində…” – Rəsul Quliyev

“Naxçıvandan Yerevana 1 saat ərzində…” – Rəsul Quliyev

“Ermənistan və ya erməni əsilli siyasətçilər heç vaxt normal ağıl sahibi olmayıblar. Hər halda onların ağızları köpüklənə-köpüklənə 2000 illik tarixlərinin olduğunu iddia etdikləri müddət ərzində bir ağıllı siyasətçiyə rast gəlmək mümkün deyildir”.

Bunu Azərbaycan Milli Məclisinin sabiq spikeri Rəsul Quliyev deyib. O, bildirib ki, Ərəb xilafəti yaranana qədər yarısı Sasani, yarısı Roma imperiyasının “altında” olan, iki yerə ayrılmış Ermənistan 100 illərlə bir-birinə qarşı vuruşub. 

“1990-cı illərdə Argentinada erməni əsilli birini prezident seçdilər. Bu adam havadan kredit vermək – “moşşenik” siyasətini Argentina reforması adlandırdı. Rusiya Federasiyası bu reformalardan istifadə etmək üçün böyük bir nümayəndə heyətini Argentinaya göndərdi. Ancaq tətbiq etməyə vaxt tapmadılar, çünki reforma Argentina iqtisadiyyatını darmadağın etdi… O vaxtdan bu günə qədər Argentina iqtisadiyyatı yarıölü vəziyyətdədir.

1980-cı illərdə erməni əsilli bir dəli Livanın prezidenti oldu. İsrail bu ölkəyə qaçmış Ərəfatın silahlı terroristlərinin ardınca Livana girdi və işğal etdi. ABŞ-ın terrorist təşkilat adlandırdığı, sovetin yaratdığı erməni “ASALA” təşkilatı məhv edildi. Türkiyənin yaxası bu terroristlərdən qurtardı. İndi Paşinyan ermənilərin, onların apardığı siyasətin nəticələrini araşdırmaq istəmir və verdiyi bəyanatları ilə bu ölkəni məhvə aparır. Bu adam Dağlıq Qarabağı müstəqil dövlət kimi tanıyıb, onunla hərbi saziş imzalamaq istəyir. Fransa kimi (çox zəif və özündən müştəbeh prezident Makron) ölkəni də erməni lobbisindən istifadə etməklə Dağlıq Qarabağı tanımağa çağırır.”

Rəsul Quliyev hesab edir ki, Ermənistan Fransanı Dağlıq Qarabağın müstəqilliyini tanımağa çağırmaqla Rusiyanı müharibəyə cəlb etmək istəyir:

“Mən inanmıram ki, Fransa belə bir addım ata bilər. Dağlıq Qarabağı tanımaqla faktiki Ermənistan birbaşa Azərbaycana müharibə elan edir və müqavilədən istifadə edərək Rusiyanı bu müharibəyə cəlb etmək istəyir. Rusiya, fikrimcə, heç vaxt belə bir avantüraya getməz. Digər tərəfdən isə Türkiyə Azərbaycanla hərbi müqavilə bağlamağa hazırdır. Eyni zamanda Türkiyə 1921-ci il Rusiya ilə bağladığı Qars müqaviləsinin hansısa bir maddəsinə əsaslanıb müharibəyə qoşula bilər.

Paşinyan unudub ki, Naxçıvan Azərbaycanın bir hissəsidir. Azərbaycan Naxçıvanın sərhədlərini keçilməz qalaya çevirib. Raket kompleksləri ilə təchiz edilmiş Naxçıvandan Yerevana 1 saat ərzində (maksimum 80 km-lik bir məsafəyə) yüzlərlə ağır mərmi yağdırıla bilər. Bu zonada Rusiya heç vaxt Türkiyə ilə müharibə aparmağa risk etməz! Buna hər kəs əmin olsun. Birincisi, Ermənistanda olan bazası çox qısa bir müddətdə məhv edilər. İkincisi, Suriyada olan bütün bazaları dağıdılar. Üçüncüsü isə Qara və Aralıq dənizində rusların zəif dəniz donanması darmadağın olar.

Ruslar belə bir ağılsız addımı atarsa, Avropa və ABŞ onlara qarşı olacaq və NATO-nun üzvü Türkiyəni dəstəkləyəcək.”

Rəsul Quliyev deyib ki, Nikol Paşinyan xalqın qarşısına çıxıb üzr istəməli və istefa verməlidir:

“Reallıq budur cənab Paşinyan! Sən əgər həmişəki kimi erməni siyasətçilərin ağıldan kəm olduğunu sübut etmək istəyirsənsə, bu addımı at. Aydındır ki, bu siyasətinlə sən hakimiyyətini saxlamaq istəyirsən. Bu mümkün deyil. Erməni xalqı səninlə birlikdə qəbirə getmək fikirində deyil! Xalqına xidmət etmək istəyirsənsə, qoşunlarınızı işğal etdiyiniz Azərbaycan torpaqlarından çıxar, çıx, xalqın qarşısında üzr istə və istefa ver, get! Azərbaycan Dağlıq Qarabağda bir erməninin də burnunu qanatmayacaq”.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …