Azinforum.az İnformasiya Portalı Onlayn Xəbər Portalı
Naxçıvan Muxtar Respublikasının (MR) Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən noyabrın 24-də muxtar respublikada əmək yarmarkalarına start veriləcək.
“Report”un məlumatına görə, noyabrın 24-də tədbir Sədərək rayonunun Heydərabad Qəsəbə Mərkəzində təşkil olunacaq.
Noyabr ayının 25-də Kəngərli Rayon Məşğulluq Mərkəzində bu bölgənin işaxtaran sakinlərinə boş iş yerləri təqdim ediləcək.
Noyabrın 26-da əmək yarmarkası Şahbuz şəhərindəki “Araz” kinoteatrında, 27-də isə Culfa rayonunda keçiriləcək.
Dekabr ayının 1-də Ordubad, 2-də Babək, 3-də isə Şərurda boş iş yerləri təqdim olunacaq.
Naxçıvan şəhərində əmək yarmarkası dekabr ayının 4-də “Gənclik” Mərkəzində keçiriləcək.
