Cümə axşamı , Mart 28 2024
Ana səhifə / Siyasət / Nardaran ziyarətgahının dini icması qeydiyyata alınacaq

Nardaran ziyarətgahının dini icması qeydiyyata alınacaq

“Nardarandakı “Rəhimə xanım” ziyarətgah-məscidində dini icmanın qeydiyyata alınmasına dair sənədlər hazırlanıb və Sabunçu Rayon İcra Hakimiyyətinə təqdim olunub”.

Bunu APA-ya açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib. M. Qurbanlının sözlərinə görə, qaydaya əsasən, Rayon İcra Hakimiyyəti o icma barədə hüquqi ünvanla bağlı arayış verir, daha sonra buarayış sənədlərlə birlikdə həm Qafqaz Müsəlmanları İdarəsinə, həm də Komitəyə təqdim olunur: “Bundan sonra icma rəsmən qeydiyyata alınır və müvafiq sənəd təqdim olunur. Mən bu gün Rayon İcra Hakimiyyətinin başçısı ilə danışdım. Proses gedir. İcmanın qeydiyyata alınması üçün ən az 50 nəfər üzvü müraciət etməlidir. “Rəhimə Xanım” ziyarətgahından 53 nəfər müraciət edib. Hazırda müraciətə baxılır və inşallah qeydiyyata alacağıq”.

Komitə sədri deyib ki, bu icma qeydiyyata alındıqdan sonra təkrar Nardaranda görüş keçiriləcək, söhbət aparılacaq və oradakı icması qeydiyyatdan keçməyən digər məscidlərdə də bu məsələlər həll olunacaq.

Qeyd edək ki, Nardarandakı hadisələrdən sonra qəsəbə üzrə yalnız Cümə məscidi qeydiyyatı olduğu üçün fəaliyyətini davam etdirib. Digər məscidlər – “Rəhimə xanım”, “Qulam Əli”, “Kiçik” və “Ağa” məscidlərinin isə qeydiyyatları olmadığı üçün fəaliyyəti dayandırılıb. Millətlərarası, multikulturalizm və dini məsələlər üzrə dövlət müşaviri Kamal Abdullayev, Dövlət Komitəsinin sədri Mübariz Qurbanlı Nardaran qəsəbəsində olublar, “Rəhimə xanım” ziyarətgahında bir qrup dindar və ağsaqqalla görüşüblər.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın