Yanvarın 25-dən etibarən Nərimanov və Binəqədi rayonlarının bir hissəsində qazın verilməsində problem yaranıb.
Nərimanov icra başçısının birinci müavini Şahmar İbadovun “Qafqazinfo”ya verdiyi xəbərə görə, buna səbəb dünən Ziya Bünyadov prospektində keçən qaz boru kəmərinin zədələnməsidir:
“Belə ki, ağır tonnajlı yük maşını sürüşərək kəməri zədələyib. Hazırda kəmərdə yaranan qəzanın aradan qaldırılması ilə bağlı iş gedir və yaxın müddətdə problemin aradan qaldırılacağı gözlənilir. İcra Hakimiyyəti baş vermiş hadisəyə görə əhalidən üzr istəyib”.