MSK-nın sədr müavini: “Bəzi namizədlər cəmiyyəti çaşdırırlar”

Bəzi namizədlər seçilməmələri ilə bağlı emosiyalarını müxtəlif formalarda ifadə edir. Bəzi namzədlər isə öz fikirlərini cəmiyyəti çaşdıracaq formada ifadə edirlər.

Bunu Mərkəzi Seçki Komissiyasının (MSK) sədr müavini Rövzət Qasımov qurumun bu gün keçirilən iclasında deyib.

Onun sözlərinə görə, bəzi namizədlər iddia edirlər ki, MSK onların müracətinə baxmayıb: “Ancaq bu yanlışdır, MSK daxil olan bütün müraciətlərə baxır, hətta MSK baxmalı olmadığı müraciətlərə də baxıb, qərar verir”.