Ana səhifə / Siyasət / Mingəçevirin polis rəisi danışdı

Mingəçevirin polis rəisi danışdı

“Daxili işlər naziri cənab Ramil Usubova təşəkkür edirəm ki, mənə etimad göstərdi. Vicdanımla deyirəm ki, işdən uzaqlaşdırılacağımı düşünürdüm. Amma cənab nazir mənə etimad göstərdi, çox sağ olsun, verilən şiddətli töhmət də az cəzadır”.

Bunu musavat.com-un Mingəçevirə ezam olunmuş müxbirinə açıqlamasında Mingəçevir Şəhər Polis Şöbəsinin rəisi polkovnik Ələsgər Bədəlov deyib.

Ə.Bədəlov bildirib ki, Bəhruz Hacıyevin nəşi morqa aparılarkən onun yaxınları prokurorluğun müstəntiqini döyərək xəsarət yetiriblər. Daha sonra polis şöbəsinin qarşısına gələn B.Hacıyevin qohumları daha bir polis əməkdaşına xəsarət yetiriblər. B.Hacıyevin ölümü və qeyd edilən iki hadisə ilə bağlı cinayət işi başlanılıb.

Rəis onu da əlavə edib ki, polislə toqquşma zamanı şöbənin 10 əməkdaşı bədən xəsarəti alıb. Şöbənin bir maşını yararsız hala salınıb.

Rəis Ə.Bədəlov polislə qarşıdurma zamanı 21 nəfərin saxlanıldığını, onlardan 10-nun işinin Mingəçevir Şəhər Prokurorluğuna göndərildiyini deyib.

Ə.Bədəlov əlavə edib ki, digər saxlanılanlar barəsində inizbati qaydada cəza tədbiri görülüb və buraxılıb. Rəis onu da qeyd edib ki, hazırda işi prokurorluğa göndərilən 10 nəfərdən 8-i əvvəllər də məhkum olunmuş şəxslərdir.

Polis rəisi saxlanılan şəxslərin döyülməsi barədə yazılanların həqiqəti əks etdirmədiyini bildirib.

Ə.Bədəlov Bəhruz Hacıyevi polis şöbəsinə gətirən 3 polis əməkdaşının istintaqa ifadə verdiyini, onlardan polis baş-leytenantı Şahlar Şahlarzadənin polis orqanlarından kənarlaşdırıldığını və həbs olunduğunu əlavə edib.

Musavat.com-un əldə etdiyi məlumata görə, artıq 6 nəfər barəsində 12 sutka həbs-qətimkan tədbiri seçilib.

Xatırladaq ki, Mingəçevir sakini Bəhruz Hacıyev avqustun 20-də şəhər polisinə gətirilib. Onun narkotik istifadəçi olması barədə şübhələr olub. Şöbəyə gətirilən B.Hacıyev 10 dəqiqə sonra müəmmalı şəkildə ölüb. Bundan sonra B.Hacıyevin qohumları ilə polis arasında qarşıdurma yaşanıb. Qarşıdurma zamanı saxlanılanlar və yaralananlar olub.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın