Xəbər verdiyimiz kimki, bu gün Məkkədə daha bir azərbaycanlı zəvvar – Kəklik Aslanova dünyasını dəyişib.
APA TV-nin xəbərinə görə, mərhumənin həyat yoldaşı Elçin Aslanov bildirib ki, Kəklik Aslanovanın təzyiqi qəflətən aşağı düşüb və həkimlərin səyi heç bir nəticə verməyib: “Bədəni dözmədi, komaya düşdü. Əvvəlcə çalışdıq özümüz ayıldaq, ayılmadı. Sonra təcili yardımla xəstəxanaya apardıq. Orda baxıb analiz elədilər, dedilər qanda sidik turşusu artıb, o da böyrəklərə təsir edib. Böyrəklərin fəaliyyəti zəifləyib, koma vəziyyətinə düşüb”.
Elçin Aslanov onu da bildirib ki, Kəklik Aslanova sentyabrın 27-də elə müqəddəs torpaqda dəfn olunacaq. Orada mərhum zəvvarın 3 və 7 mərasimləri təşkil ediləcək. Eyni zamanda həmin gün Abşeron rayon Masazır qəsəbəsində ailəsi tərəfindən Kəklik Aslanovanın yas mərasimi keçiriləcək.
◀▶